Azərbaycan Tarixi Muzeyinin Numizmatika Fondu
Bu səhifənin Milli Azərbaycan Tarixi Muzeyinin Numizmatika Fondu olaraq adlandırılması təklif edilir. |
Bu məqalədə heç bir məlumatın mənbəsi göstərilməmişdir. |
Milli Azərbaycan Tarixi Muzeyinin Numizmatika Fondu 100 000-dən çox sikkənin saxlanıldığı, tədqiq və təbliğ olunduğu vahid numizmatik mərkəzdir. Fond 1920-ci ildə Azərbaycan SSR Dövlət Muzeyinin tərkibində yaradılmışdır. Yaradıldığı ilk illərdə 103 sikkədən ibarət kiçik kolleksiyaya malik idi.
| Milli Azərbaycan Tarixi Muzeyinin Numizmatika Fondu | |
|---|---|
.JPG) | |
 | |
| Əsası qoyulub | 1920 |
| Təsisçi | |
| Ölkə | |
| 40°22′10″ şm. e. 49°50′24″ ş. u. | |
 Vikianbarda əlaqəli mediafayllar | |
Fondun kolleksiyasının əsas hissəsini Azərbaycan Respublikası ərazisində kəsilmiş və tapılmış sikkələr təşkil edir. Bu sikkələr sırasında IX–XVIII əsrlər Azərbaycanın feodal dövlətləri – Şirvanşahlar, Sacilər, Salarilər, Şəddadilər, Azərbaycan atabəyləri, Qaraqoyunlu, Ağqoyunlu, Səfəvilərə, xanlıqlara məxsus sikkələr xüsusi önəm daşıyır.
Fondda həmçinin antik və Şərq sikkələrindən ibarət kolleksiyalar, qədim Yunanıstan şəhərlərinin, Roma, Bizans imperiyalarının, ellinist dövlətlərinin (Selevkiya, Parfiya, Baktriya), Sasanilər, Ərəb Xilafəti, Səlcuqlar, Elxanilər, Cuçilər, Osmanlılar, Əfşarlar, Baburilər və s. dövründə zərb olunmuş və Azərbaycan ərazisində tapılan sikkələr saxlanılır. Fondda həmçinin Qərbi Avropa, Rusiya, Hindistan, Çin və s. ölkələrdə kəsilmiş sikkə kolleksiyaları mövcuddur.
Səfəvilər, şah Abbas I 1587 – ci il.
Qafqaz Albaniyası (bənzətmə) Makedoniyalı İsgəndərin təsviri ilə.
Səfəvilər şah İsmayıl Xətai 1507 – ci il.
Səfəvilər şah Abbas I gümüş sikkə 1587 – ci il.
Şirvanşah Məzyədilər, Məhəmməd bin Yəzid 1398 – ci il.
Səfəvilər şah Abbas II 1647 – ci il.
Qafqaz Albaniyası (bənzətmə).
Qarabağ xanlığı Pənahabad.
Əməvilər.
Qarabağ xanlığı Pənahabad (Şuşa).
.jpg)