Elxan Paşa oğlu İbrahimov (30 iyul 1969, Bakı) — tibb xidməti general-mayoru, İkinci Qarabağ müharibəsinin iştirakçısı.
| Elxan İbrahimov | |
|---|---|
| Şəxsi məlumatlar | |
| Doğum tarixi | 30 iyul 1969 (56 yaş) |
| Doğum yeri | |
| Milliyyəti | Azərbaycanlı |
| Təhsili | Azərbaycan Tibb Universiteti |
| Fəaliyyəti | hərbi qulluqçu |
| Hərbi xidmət | |
| Döyüşlər | |
| Rütbəsi |
 Tibb xidməti general-mayoru |
|
|
|
| Təltifləri |
            |
1976–1986-cı illərdə Bakı şəhəri 167 nömrəli orta məktəbə təhsil alıb və məktəbi fərqlənmə ilə (medalla) bitirib.
1986-cı ildə "N. Nərimanov" adına Azərbaycan Dövlət Tibb İnstitutuna daxil olub və 1992-ci ildə həmin İnstitutu müalicə işi ixtisası üzrə bitirib.
Ona 15.08.2022-ci il tarixdə "Azərbaycan Respublikasının Müharibə veteranı" adı verilmiş, müvafiq vəsiqə təqdim edilmişdir.
Ailəlidir, 3 övladı var.
Elxan İbrahimova 15 noyabr 2000-ci ildə tibb xidməti leytenantı hərbi rütbəsi verilməklə o, 16 sentyabr 2003-cü il tarixədək Azərbaycan Respublikası Daxili İşlər Nazirliyinin Tibb İdarəsinin 1 saylı Poliklinikasında xidmətə başlayıb.
2003–2013-cü illərdə Azərbaycan Respublikası Daxili Qoşunlarının Baş İdarəsinin Hərbi-həkim Komissiyasının sədri, 6 dekabr 2013-cü il tarixdən 12 mart 2020-ci il tarixədək Tibb Baş İdarəsi rəisinin müavini – Müdafiə Nazirliyinin Mərkəzi Hərbi Həkim Komissiyasının rəisi (komissiyanın sədri), 12 mart 2020-ci il tarixdə Müdafiə Nazirliyi Tibb Baş İdarəsi rəisinin müavini vəzifələrində xidmət edib.
Azərbaycan Respublikası Prezidentinin 9 aprel 2021-ci il tarixli 2568 nömrəli Sərəncamı ilə tibb xidməti general-mayoru ali hərbi rütbəsi verilmişdir.[1]
10 iyun 2020-ci il tarixdən 26 fevral 2021-ci il tarixədək İkinci Qarabağ müharibəsində Tibb Baş İdarəsinin rəisi kimi xəstə və yaralıların vaxtında təxliyəsi və ilkin tibbi yardımın təşkilində Ordunun tibb xidmətinə rəhbərlik edib.
Azərbaycan Respublikası Prezidentinin 27 iyul 2023-cü il tarixli 3992 nömrəli Sərəncamı[2] ilə tibb xidməti general-mayoru Elxan Paşa oğlu İbrahimov Azərbaycan Respublikası Müdafiə Nazirliyi Tibb İdarəsi rəisinin müavini vəzifəsindən azad edilərək, hərbi geyim formasını daşımaq hüququ verilməklə, Azərbaycan Respublikasının Silahlı Qüvvələrində həqiqi hərbi xidmətdən istefaya buraxılmışdır.
- Azərbaycan Respublikası Prezidentinin 9 mart 2011-ci il tarixli 1387 nömrəli Sərəncamı ilə "Hərbi xidmətlərə görə" medalı;[3]
- Azərbaycan Respublikası Prezidentinin 24 iyul 2015-ci il tarixli 1291 nömrəli Sərəncamı ilə "Azərbaycan Respublikasının əməkdar həkimi" fəxri adı;[4]
- Azərbaycan Respublikası Prezidentinin 15 dekabr 2020-ci il tarixli 2348 nömrəli Sərəncamı ilə 3-cü dərəcəli "Vətənə xidmətə görə" ordeni.[5][6]
- Azərbaycan Respublikası Prezidentinin adından daxili işlər nazirinin 7 mart 2005-ci il tarixli əmri ilə "Hərbi xidmətdə fərqlənməyə görə" 3-cü dərəcəli medalı;
- Daxili işlər nazirinin 29 iyun 2011-ci il tarixli əmri ilə "Qüsursuz xidmətə görə" 3-cü dərəcəli medalı;
- Daxili işlər nazirinin 5 noyabr 2013-cü il tarixli əmri ilə "Azərbaycan Respublikası Silahlı Qüvvələrinin 95 illiyi (1918–2013)" yubiley medalı.
- Müdafiə nazirinin 25 iyun 2016-cı il tarixli əmri ilə "Qüsursuz xidmətə görə" 2-ci dərəcəli medalı;
- Müdafiə nazirinin 26 iyun 2016-cı il tarixli əmri ilə "Hərbi xidmətdə fərqlənməyə görə" 2-ci dərəcəli medalı;
- Müdafiə nazirinin 26 iyun 2018-ci il tarixli əmri ilə "Hərbi xidmətdə fərqlənməyə görə" 1-ci dərəcəli medalı;
- Müdafiə nazirinin 26 iyun 2018-ci il tarixli əmri ilə "Azərbaycan Ordusunun 100 illiyi (1918–2018)" yubiley medalı;
- Müdafiə nazirinin 26 iyun 2021-ci il tarixli əmri ilə ""Qüsursuz xidmətə görə" 1-ci dərəcəli medalı;
- Müdafiə nazirli tərəfindən 2021-ci ildə "İnsan hüquqları üzrə müvəkkil (Ombudsman) Aparatı və Müdafiə Nazirliyi arasında səmərəli əməkdaşlığa görə" Fəxri Fərman.[7]
- ↑ "E. P. İbrahimova "tibb xidməti general-mayoru" ali hərbi rütbəsinin verilməsi haqqında Azərbaycan Respublikası Prezidentinin Sərəncamı". e-qanun.az. 4 mart 2024 tarixində arxivləşdirilib. İstifadə tarixi: 20 mart 2024.
- ↑ Hüquqi Aktların Dövlət Reyestri. "E.P.İbrahimovun həqiqi hərbi xidmətdən istefaya buraxılması haqqında Prezident Sərəncamı, № 3992". e-qanun.az (az.). İstifadə tarixi: 17 fevral 2025.
- ↑ Hüquqi Aktların Dövlət Reyestri. "Azərbaycan Respublikası Daxili İşlər Nazirliyi Daxili Qoşunlarının hərbi qulluqçularını təltif etmək haqqında Prezident Sərəncamı". e-qanun.az (az.). 4 mart 2024 tarixində arxivləşdirilib. İstifadə tarixi: 4 mart 2024.
- ↑ Hüquqi Aktların Dövlət Reyestri. "Azərbaycan Respublikası Silahlı Qüvvələrinin hərbi qulluqçularına və mülki işçilərinə fəxri adların verilməsi haqqında Prezident Sərəncamı". e-qanun.az (az.). 4 mart 2024 tarixində arxivləşdirilib. İstifadə tarixi: 4 mart 2024.
- ↑ Hüquqi Aktların Dövlət Reyestri. "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Prezident Sərəncamı, №2348". e-qanun.az (az.). 21 sentyabr 2022 tarixində arxivləşdirilib. İstifadə tarixi: 4 mart 2024.
- ↑ "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 30 noyabr 2023 tarixində arxivləşdirilib. İstifadə tarixi: 5 mart 2024.
- ↑ "Instagram". www.instagram.com. 4 mart 2024 tarixində arxivləşdirilib. İstifadə tarixi: 4 mart 2024.