Məhərrəm Səfərli[1] (4 iyul 1946-cı ildə, Masallı rayonu, Təzəkənd kəndi) — Jurnalist və ictimai xadim.
| Məhərrəm Səfərli | |
|---|---|
 | |
| Doğum tarixi | |
| Doğum yeri | Təzəkənd, Masallı rayonu |
| Təhsili | Azərbaycan Dövlət Pedaqoji İnstitutu |
| Fəaliyyəti | jurnalist, ictimai xadim |
1972-ci ildə Azərbaycan Dövlət Pedaqoji İnstitutunu, 1977-ci ildə isə Azərbaycan Jurnalistlər İttifaqının Jurnalist Sənətkarlığı İnstitutunu bitirmişdir.
Gənc yaşlarında rayonun Krupskaya adına sovxozunda əmək fəaliyyətinə başlamışdır. Sonrakı dövrdə jurnalistikaya maraq göstərmiş, yerli mətbuatda sosial mövzularda yazılarla çıxış etmişdir. 1974-cü ildə Masallıda nəşr olunan "Çağırış" qəzetində teleqrafçı və ədəbi işçi vəzifələrində fəaliyyət göstərmişdir. Həmçinin 1977-ci ildə doğulduğu kəndin orta məktəbinə direktor təyin olunmuşdur. Onun rəhbərliyi dövründə məktəbdə təşkilati və abadlıq işləri aparılmışdır. Məktəbin həyətində 1941–1945-ci illər müharibəsinə həsr olunmuş abidə ucaldılmış, tədbirdə yerli icra strukturlarının nümayəndələri iştirak etmiş və Azərbaycan Televiziyası AzTV tərəfindən çəkiliş aparılmışdır.
1973–1974-cü illərdə Sovet Ordusunda həqiqi hərbi xidmətdə olmuşdur. 1974-cü ildən Masallıda nəşr olunan "Çağırış" qəzetində teleqrafçı və ədəbi işçi kimi fəaliyyətə başlamışdır. 1983–1991-ci illərdə Azərbaycan Jurnalistlər İttifaqının Müxbir jurnalında müxbir və məsul katib vəzifələrində çalışmışdır. 1992–1994-cü illərdə Azərinform (AzərTAC) dövlət agentliyində şöbə müdiri olmuşdur[2]. 1994–1995-ci illərdə "Nicat" nəşriyyatının direktoru vəzifəsində çalışmışdır. 1995–1996-cı illərdə Azərbaycan Jurnalistlər İttifaqının məsul katibi olmuşdur. 1996–2015-ci illərdə[3] Azərbaycan Hava Yolları QSC-nin mətbuat xidmətinin rəhbəri[4], eyni zamanda "Azal View"[5] jurnalının baş redaktoru və AZAL QSC Prezidentinin köməkçisi vəzifələrində fəaliyyət göstərmişdir[6]. 2015–2019-cu illərdə Azərbaycan Respublikası Milli Məclisinin orqanı olan "Azərbaycan" qəzetinin müxbiri kimi fəaliyyət göstərmişdir.
1999-cu ildə mülki aviasiya mövzusunda reportajlarına görə Azərbaycan Jurnalistlər Birliyinin Həsən bəy Zərdabi mükafatına layiq görülmüşdür. 1977-ci ildən SSRİ Jurnalistlər İttifaqının üzvü olmuş, 1992-ci ildən Azərbaycan Jurnalistlər Birliyinin, 2006-cı ildən isə Beynəlxalq Jurnalistlər Federasiyasının üzvüdür[7]
40 ilə bərabər bir gün — Məhərrəm Səfərli yazır | Xalq Qəzeti | BBC AZƏRİ.com | AzNews.az | MƏHƏRRƏM SƏFƏRLİ: "MƏN DEMİŞƏM Kİ…" | Milli. Az | Məhərrəm Səfərli: "Rusiyanın qadağasının AZAL-a aidiyyəti yoxdur" | Zəfərə gedən yol | Müstəqilliyin və dövlətçiliyin mötəbər dayağı | Müstəqil Azərbaycan tarixinin dönüş nöqtəsi | Prezident İlham Əliyevin | Məhərrəm Səfərli | Azərbaycanlı jurnalistlər Bodrumdan xoş təəssüratla qayıtmışlar
- ↑ "Səfərli, Məhərrəm". retk.copat.gov.az.
- ↑ ""British Airways" şirkətinin Bakıdan Londona uçan təyyarəsi Heydər Əliyev Beynəlxalq Aeroportunda məcburi eniş edib". azertag.az.
- ↑ "AZAL-ın qiymətləri niyə "göylə uçur"?". arqument.az.
- ↑ https://github.com/elnurxf, Elnur Akhundov. "Rusiyaya gedənlərə xəbər var". Xəzər Xəbər. 1 aprel 2014.
- ↑ Əhmədova, Şahnaz. "Məhərrəm Səfərli: "AZAL-da əmək haqqı problemi yoxdur"". Report.az. 5 mart 2015.
- ↑ "AZAL-ın mətbuat katibi Məhərrəm Səfərli vəzifəsindən çıxarıldı". Modern.az.
- ↑ musavat.com https://musavat.com/news/azal-in-isden-cixan-xidmet-reisi-danisdi_268012.html (#bare_url_missing_title). İstifadə tarixi: 16 mart 2026.