Natiq Adil oğlu Məmmədov (5 may 1977, Birinci Şahsevən, Beyləqan rayonu) — azərbaycanlı yazıçı, jurnalist, tarixçi.[1] Azərbaycan Respublikasının Medianın İnkişafı Agentliyinin İcraçı direktorunun müavini.[2]
| Natiq Məmmədli | |
|---|---|
 | |
Vəzifədədir | |
| 26 yanvar 2024-cü ildən | |
| Şəxsi məlumatlar | |
| Doğum tarixi | 5 may 1977 (48 yaş) |
| Doğum yeri | |
| Təhsili | |
| Fəaliyyəti | tarixçi, jurnalist, yazıçı |
|
|
|
| Təltifləri |
 |
1977-ci il mayın 5-də Azərbaycan SSR-in Jdanov rayonunun (indiki Beyləqan rayonu) Birinci Şahsevən kəndində anadan olmuşdur. 1998-ci ildə Məhəmməd Əmin Rəsulzadə adına Bakı Dövlət Universitetinin Tarix fakültəsini bitirmişdir. Daha sonra həmin fakültənin əyani aspiranturasında təhsil almışdır. 2006-cı ildə “Mərkəzi Asiyada müstəqil türk dövlətlərinin yaranması və Türkiyə ilə qarşılıqlı əlaqələri (1991–2001-ci illər)” mövzusunda namizədlik dissertasiyasını müdafiə edərək tarix üzrə fəlsəfə doktoru elmi dərəcəsini almışdır.
1990-cı illərin ikinci yarısından etibarən jurnalistika sahəsində fəaliyyət göstərir. Müxtəlif kütləvi informasiya vasitələrində baş redaktorun müavini, baş redaktor və digər vəzifələrdə çalışmışdır. Mətbuat tarixi və ictimai fikir tarixinə dair araşdırmaların, eləcə də oçerklərin müəllifidir. Onun təşəbbüsü və redaktorluğu ilə Azərbaycan mətbuat irsi və ictimai fikir tarixinə həsr olunmuş bir sıra nəşrlər işıq üzü görmüşdür.
Bədii yaradıcılıqla da məşğuldur. “Ləyaqət düsturu” (hekayələr toplusu, 2012) və “Körpüdə ümid” (roman, 2014) kitablarının müəllifidir. “Dolma” adlı hekayəsi 2010-cu ildə Nəsimi Milli Ədəbiyyat Mükafatına layiq görülmüşdür. “Bekketə salam” hekayəsi 2014-cü ildə türkdilli ölkələrin yazarları arasında keçirilən Mahmud Kaşğarlı Beynəlxalq Hekayə Müsabiqəsinin milli seçim turunda ikinci mükafata layiq görülmüşdür. “Körpüdə ümid” romanı isə 2015-ci ildə Azərbaycan Respublikası Mədəniyyət və Turizm Nazirliyinin nəsr nominasiyası üzrə “Qızıl kəlmə” mükafatını almışdır. [3] [4] [5] [6]
- 2012 — "Ləyaqət düsturu" – hekayələr toplusu
- 2014 — "Körpüdə ümid" – roman
- 2016 — "Dumana bürünmüş" – pyes
- 2017 — "Əmanət" — pyes
- 2017 — "Bekketə salam" – hekayələr toplusu
- 2018 — "Müqəvva" — pyes
- 2009-cu il "Nəsimi" Milli ədəbiyyat mükafatı.
- 2010-cu il Azərbaycan respublikasının Əməkdar jurnalisti.
- 2012-ci il Azərbaycan Mətbuat Şürasının Ali Media Mükafatı.
- 2015-ci il Azərbaycan Respublikası Mədəniyyət Nazirliyinin "Qızıl kəlmə" mükafatı[1]
- 1 2 "Natiq Məmmədlinin "Ləyaqət düsturu"". 4 avqust 2023 tarixində arxivləşdirilib. İstifadə tarixi: 11 iyul 2018.
- ↑ "İcraçı direktorun müavini". Azərbaycan Respublikası Medianın İnkişafı Agentliyi (az.). media.gov.az. İstifadə tarixi: 26 yanvar 2026.
- ↑ "İcraçı direktorun müavini". Azərbaycan Respublikası Medianın İnkişafı Agentliyi. media.gov.az. İstifadə tarixi: 26 yanvar 2026.
- ↑ "Media-nın icraçı direktorunun müavini təyin olunan Natiq Məmmədli kimdir?". Nuhçıxan.az. İstifadə tarixi: 26 yanvar 2026.
- ↑ "Natiq Məmmədli MEDİA-da bu vəzifəyə təyin edildi". Globalinfo.az (az.). İstifadə tarixi: 26 yanvar 2026.
- ↑ "Natiq Məmmədliyə yeni vəzifə verildi". Qafqazinfo. İstifadə tarixi: 26 yanvar 2026.