Bu məqalədəki və ya bölmədəki məlumatlar köhnədir. |
Rasim Əliyev (azərb. Əliyev Rasim Məmmədəli oğlu; 16 avqust 1984, Bakı – 9 avqust 2015, Bakı) — jurnalist, Azərbaycanda insan haqları müdafiəçisi. ANN. TV-nin əməkdaşı olub. O, əvvəllər "Obyektiv TV"-də foto müxbir kimi fəaliyyət göstərib.[1]
| Rasim Əliyev | |
|---|---|
| azərb. Əliyev Rasim Məmmədəli oğlu | |
.jpg) | |
| Doğum tarixi | 16 avqust 1984 |
| Doğum yeri | |
| Vəfat tarixi | 9 avqust 2015 (30 yaşında) |
| Vəfat yeri | |
| Dəfn yeri | |
| Milliyyəti | Azərbaycanlı |
| Fəaliyyəti | Jurnalist, foto müxbir |
Rasim Əliyev 2007-ci ildən bəri RATİ-də reportyor, video və foto müxbir kimi çalışıb.[2]
2013-cü ilin iyununda Rasim Əliyev Bakının mərkəzində keçirilən nümayişi işıqlandırarkən polis zorakılığına məruz qalıb və 7000 dollarlıq video kamerası sındırılıb. Bu hadisəyə görə, iki nəfər polis işdən uzaqlaşdırılıb. Nümayiş Türkiyədə Gəzi etirazlarına dəstək olaraq keçirilirdi.[3][4]
2015-ci ilin Avqustun 8-də Rasim Əliyev "Qəbələ" futbol komandasının oyunçusu Cavid Hüseynovun qohumları tərəfindən Bayıl qəsəbəsi ərazisində fəaliyyət göstərən "Bayıl market" mağazasının qarşısında bir qrup şəxs tərəfindən döyülüb.[5][6] Ağır bədən xəsarəti alan jurnalist 1 saylı Şəhər (Semaşko) Kliniki Xəstəxanasına yerləşdirilib.[7] Onun qabırğaları sınıb və sol qulağı eşitmir. Sosial mediada verilən məlumatlara görə, jurnalistin döyülməsinə səbəb onun Cavid Hüseynovun kiprli jurnalistə qarşı hərəkətini "Facebook" səhifəsində tənqid etməsi göstərilib.[8]
Rasim Əliyev avqustun 9-da səhərə yaxın Bakı Klinik mərkəzində rəhmətə gedib. Jurnalist Mehdiabad qəbiristanlığında dəfn edilib.[9]Faktla bağlı Bakı şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb. 2016-cı ilin aprel ayında məhkəmənin hökmü ilə təqsirləndirilən Elşən İsmayılov 13 il, Camal Məmmədov 11 il, Arif Əliyev 12 il yarım, Kənan Mədətov 9 il və Samir Mustafayev 9 il müddətinə azadlıqdan məhrum ediliblər.[10] Cavid Hüseynovun bibisi oğlu E.İsmayılovun təşkilatçılığı ilə ağır cinayətin hazırlanmasını bilərək bu barədə xəbər verməməsi, cinayətin törədilməsindən sonra isə qabaqcadan vəd etmədən onun gizlədilməsinə yönələn hərəkətlərə yol verməsində əsaslı şübhələr olduğundan ona Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələrində nəzərdə tutulan ittiham elan olunub və məhkəmənin qərarı ilə 31 may 2016-cı il tarixində 4 il azadlıqdan məhrum edilib.[11]
- ↑ "Rasim Əliyevin cənazəsi evinə gətirildi (yenilənib)". 11 avqust 2015 tarixində orijinalından arxivləşdirilib. İstifadə tarixi: 9 avqust 2015.
- ↑ ""Rasim Əliyev dəfələrlə polis tərəfindən söyülüb və incidilib"". 4 iyun 2018 tarixində arxivləşdirilib. İstifadə tarixi: 10 avqust 2015.
- ↑ "Τον σκότωσαν γιατί καταδίκασε την πρόκληση". 2 avqust 2021 tarixində arxivləşdirilib. İstifadə tarixi: 9 avqust 2015.
- ↑ "Azerbaycan'da gazeteci öldürüldü, olayın aslı bayrak değil: Türk düşmanları iş başında!". 11 avqust 2015 tarixində orijinalından arxivləşdirilib. İstifadə tarixi: 9 avqust 2015.
- ↑ "AZERI JOURNALIST KILLED FOR CRITICIZING SOCCER PLAYER". 12 avqust 2015 tarixində orijinalından arxivləşdirilib. İstifadə tarixi: 9 avqust 2015.
- ↑ "Jurnalist Rasim Əliyev dəfn edilib". 4 iyun 2018 tarixində arxivləşdirilib. İstifadə tarixi: 9 avqust 2015.
- ↑ Döyülərək öldürülən jurnalist dəfn edildi
- ↑ "Döyülən jurnalist Rasim Əliyev vəfat etdi". 9 avqust 2015 tarixində arxivləşdirilib. İstifadə tarixi: 9 avqust 2015.
- ↑ "Jurnalist Rasim Əliyev dəfn edildi". 4 mart 2016 tarixində arxivləşdirilib. İstifadə tarixi: 9 avqust 2015.
- ↑ "Rasim Əliyevin qətli ilə bağlı məhkəmədə hökm oxundu - təqsirləndirilənlərə 54 il yarım həbs". Trend.Az (rus). 1 aprel 2016. İstifadə tarixi: 5 yanvar 2026.
- ↑ "Cavid Hüseynov 4 il azadlıqdan məhrum edildi". Trend.Az (az.). 31 may 2016. İstifadə tarixi: 5 yanvar 2026.