Bu səhifədə iş davam etməkdədir. |
Zəkəriyyə Əbdülhəmid oğlu Xiromanov (22 noyabr 1899, Kuma[d] – bilinmir) — Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən biri.[1]
| Zəkəriyyə Xiromanov | |
|---|---|
 | |
| Doğum tarixi | 22 noyabr 1899 |
| Doğum yeri |
|
| Vəfat tarixi | bilinmir |
| Təhsili | |
Zəkəriyyə Xiromanov 22 noyabr 1899-cu ildə Dağıstan vilayətinin Qazıqumuq dairəsinin Kuma kəndində qumuq ailəsində anadan olmuşdur.[2]
1916-cı ildə Temir-Xan-Şura realnı məktəbini, 1918-ci ildə isə Bakı Realnı Məktəbinin əlavə 8-ci sinfini əla qiymətlərlə başa vurmuşdur.[3]
17 oktyabr 1919-cu ildə Xalq Maarif Nazirliyinin dəftərxanasına kargüzar köməkçisi vəzifəsinə təyin edilmişdir. Daha əvvəl Şimali Qafqaz Dağlılar Respublikasında Ticarət və Sənaye Nazirliyində kargüzar kimi çalışmışdır.[4]
Xiromanov Azərbaycan Xalq Cümhuriyyəti qurulandan sonra Bakıya gələrək 16 avqust 1919-cu ildə Maarif Nazirliyinə müraciət etmişdir.[4] Maarif naziri Rəşid xan Qaplanovun dəstəyi ilə bir neçə qumuq gənci – o cümlədən Zaur bəy Daqirov,[5] Murad Teymurxanov[6] və Zəkəriyyə Xiromanov – xaricdə təhsil almaq üçün seçilmişdir.[7] Parlamentin 1919-cu il sentyabr tarixli qərarına əsasən, təhsilini elektrotexnika sahəsində davam etdirmək üçün Ştutqart İnstitutuna (Almaniya) göndərilmişdi.[8]
1919-cu ilin noyabrında Azərbaycan təbəəliyini qəbul etmişdir.[9]
Azərbaycanda sovet hakimiyyəti qurulduqdan sonra xaricdə dövlət hesabına təhsil alan azərbaycanlı tələbələrin vəziyyətini öyrənən Azərbaycanlı Tələbələr İttifaqının 1923–1925-ci illər üçün məlumatında onun təhsilinin bitməsinə il yarım qaldığı göstərilirdi. Sonrakı taleyi haqqında məlumat aşkar olunmamışdır.[10][1]
- 1 2 Azərbaycan Xalq Cümhuriyyəti Ensiklopediyası, 2 cilddə. Təkmilləşdirilmiş 2-ci nəşr. 2-ci cild, Bakı, "Şərq-Qərb" Nəşriyyat Evi, 2014, səh. 24
- ↑ Tahirzadə, 2016. səh. 645
- ↑ Tahirzadə, 2016. səh. 646
- 1 2 Tahirzadə, 2016. səh. 647
- ↑ Tahirzadə, 2016. səh. 460
- ↑ Tahirzadə, 2016. səh. 1087
- ↑ Tahirzadə, 2016. səh. 644
- ↑ "Yəhya Babanlı: "Cümhuriyyət dövründə elektrik təsərrüfatına strateji baxış olmuşdur"". sia.az. 23 mart 2024 tarixində arxivləşdirilib. İstifadə tarixi: 23 mart 2024.
- ↑ Tahirzadə, 2016. səh. 648
- ↑ "Arxivlənmiş surət". www.anl.az. 13 sentyabr 2019 tarixində arxivləşdirilib. İstifadə tarixi: 23 mart 2024.
- Tahirzadə, Ədalət. Oğuztoğrul, Tahirli (redaktor). Azərbaycan Cümhuriyyəti tələbələri. (Tarixi arayış, bəlgələr, yaşamlar) (az.). Bakı: "TEAS Press Nəşriyyat evi". 2016. səh. 1222.